ཕྱི་ལོ་ ༢༠༡༤ ཟླ་ ༡༠ ཚེས་ ༡༥ རེས་གཟའ་ལྷག་པ་ཉིན་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་འཐུང་ཆུ་གཙང་མའི་ལས་འཆར་ཐེངས་༡༤པ་ལག་བསྟར་གྱིས་དྷ་སའི་མེཀ་ལོར་བྱམས་པ་གླིང་རྒས་གསོ་ཁང་དུ་ཆུ་ཚགས་འཕྲུལ་ཆས་ཤིག་གསར་འཛུགས་བྱས་ཡོད་པ་རེད།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་རིག་གཞུང་བརྗེ་རེས་ཀྱི་ལམ་རིམ་དེ་ལོ་ངོ་བཅུ་ཕྲག་གཅིག་ཙམ་གྱི་གོང་ནས་འགོ་འཛུགས་བྱས་པ་ཞིག་དང་། ད་ལྟ་བར་ལས་རིམ་དེ་ཚགས་ཚུད་དང་མུ་མཐུད་ནས་འགྲོ་བཞིན་པ་ཞིག་ཆགས་ཡོད།

མེ་ལོ་གྷན་ཇི་ནི་རྒྱ་གར་བྱང་ཕྱོགས་ཧི་མ་ཅལ་མངའ་སྡེའི་ཀང་ར་རྫོང་ཁོང་དྷ་རམ་ས་ལའི་ཁུལ་གྱི་གྲོང་སྡེ་ཞིག་དང་། དེ་ནི་༧གོང་ས་ཏཱ་ལའི་བླ་མ་མཆོག་དང་བོད་མི་བཙན་བྱོལ་བ་རྣམས་ཀྱི་གཞིས་ཁྱིམ་ལྟ་བུ་ཞིག་རེད་ལ། གནས་འདི་ནི་རྒྱ་གར་གྱི་ས་གནས་གཞན་དང་ཕྱི་རྒྱལ་གྱི་རྒྱལ་ཁབ་འདྲ་མིན་ནས་ལོ་ལྟར་ཡུལ་སྐོར་སྤྲོ་འཆམ་པ་སྟོང་ཕྲག་མང་པོས་འཚང་ཁ་རྒྱག་ས་དེ་ཡིན།

ཕྱི་ལོ་ ༢༠༡༤ ཟླ། ༦ པའི་ནང་ལྷ་སྤྱི་ཚོགས་ཞབས་ཞུ་ཚོགས་པས་ཨ་རིའི་ལྷོ་ཕྱོགས་ཀྱི་མངའ་སྡེ་ལོའུ་སི་ནཱ་(Louisiana)ནང་བརྟེན་གཞིས་བྱས་པའི་གྲུབ་མཐའ་རིས་མེད་ཀྱི་ཞིབ་འཇུག་སློབ་གླིང་ཐུ་ལན་གཙུག་ལག་སློབ་གཉེར་ཁང་ (Tulane University) གི་སློབ་ཕྲུག་ ༡༨ དང་རིག་གཞུང་བརྗེ་རེས་བྱས།