གྷོ་པལ་པུར་བོད་ཁྱིམ་དུ་བོད་ཀྱི་ཁོར་ཡུག་དང་འབྲེལ་བའི་གཏམ་བཤད།
༢༠༡༩ ཟླ་༣ ཚེས་ ༢༣ ཉིན་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གོ་སྒྲིག་དང་ཨ་རིའི་བོད་ཀྱི་ཐེབས་རྩས་མཐུན་འགྱུར་འོག་གྷོ་པལ་པུར་བོད་ཁྱིམ་སློབ་གྲྭར་བོད་ཀྱི་ཁོར་ཡུག་གི་གལ་གནད་དང་དེའི་སྐོར་གོ་རྟོགས་གོང་མཐོར་གཏོང་ཆེད་གཏམ་བཤད་ཤིག་གནང་ཡོད་པ་དང་། གདན་ཞུས་གཏམ་བཤད་གནང་མཁན་རྣམས་ནི་རྒྱུན་གཏན་བོད་ཀྱི་ཁོར་ཡུག་ལ་རྒྱུས་མངའ་དང་ཤེས་ཚད་ཕུལ་དུ་བྱུང་བ་ཤ་སྟག་ཡིན་པ་རེད།
བོད་ཀྱི་སྲིད་ཇུས་ཉམས་ཞིབ་ཁང་གི་ཁོར་ཡུག་ཚན་པའི་འགན་འཛིན་ཛམ་ལྷ་བསྟན་པ་རྒྱལ་མཚན་ལགས་(Head of the Environment and Development Desk of the Tibet Policy Institute)དང་
བུམ་རམས་པ་བློ་བཟང་དབྱངས་འཛོམས་ལགས་(Research and Campaign Assistant at Tibet Third Pole – International Tibet)རྣམ་གཉིས་ཀྱིས་སྤྱིར་འཛམ་གླིང་གི་ཁོར་ཡུག་དང་བྱེ་བྲག་ཏུ་བོད་ཀྱི་ཁོར་ཡུག་གི་གནས་སྟངས་ཀྱི་སྐོར་འགྲེལ་བཤད་དང་། དེ་དག་ཇི་ཙམ་གལ་འགངས་ཆེན་པོ་ཡིན་པ་བཅས་ཀྱི་ཐོག་གསུང་བཤད་གནང་ཡོད་ཅིང་། གདེང་འཇོག་ཐོབ་པའི་(winning Canadian journalist and the author of “Melt Down in Tibet)གསར་འགོད་པའམ་རྩོམ་པ་པོ་སྐུ་ཞབས་(Mr Michael Buckley)ལགས་ནས་པར་རིས་ཐོག་ནས་གངས་ལྗོངས་བོད་ཀྱི་རི་སྐྱེས་སྲོག་ཆགས་རྣམས་ཀྱི་སྐོར་ངོ་སྤྲོད་དང་འབྲེལ་བའི་གསུང་བཤད་གནང་ཡོད། གཏམ་བཤད་པ་རྣམས་ནས་སློབ་ཕྲུག་རྣམས་ཀྱི་དྲི་བ་ཁག་ལ་ལན་འདེབས་ཀྱང་གནང་ཡོད་པ་རེད།