བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ལས་རིམ་ཐེངས་གཉིས་པ།
ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ལས་གཞི་ལས་བོད་ཀྱི་སྲོལ་རྒྱུན་ཕུར་མཉེའི་སྦྱོང་བརྡར་ལས་རིམ་ཐེངས་གཉིས་པ་དེ་ཡང་མུ་མཐུད་དེ་༢༠༡༩ ཟླ་ ༧ ཚེས་༨ ཉིན་འགོ་འཛུགས་གནང་ཡོད་པ་དང་།
སྦྱོར་བརྡར་དེར་འཛུལ་ཞུགས་བྱེད་མཁན་སློབ་ཕྲུག་བདུན་ཙམ་བྱུང་ཡོད་ཅིང་།སྦྱོང་བརྡར་དེའི་དུས་ཡུན་ཟླ་གསུམ་རིང་བོད་ཀྱི་སྲོལ་རྒྱུན་ཕུར་མཉེ་ཆེད་སྦྱོང་དང་དུས་ཡུན་ཟླ་གསུམ་སྦྱོང་བརྡར་ལེགས་གྲུབ་ཟིན་པ་དང་རྡ་སར་ཉེར་ཁོར་དུ་ཡོད་ཕུར་མཉེ་ཁང་སོགས་ལ་ལས་ཀ་བྱེད་པར་གཏོང་བཞིན་ཡོད། ཕུར་མཉེ་སྦྱོང་བརྡར་དེ་བཞིན་བོད་རིགས་གཞོན་སྐྱེས་རྣམས་ལ་འཚོ་བའི་ཆ་རྐྱེན་བསྐྲུན་ཐབས་སམ་སྐབས་བབས་དང་བསྟུན་ནས་འཚོ་བའི་མཐུན་སྦྱོར་གྱི་ལས་ཀ་ཐོབ་ཐབས་ཀྱི་ལས་གཞི་ཞིག་ཡིན་པ་དང་། ལས་གཞི་དེའི་མཐུན་འགྱུར་རོགས་རམ་གནང་མཁན་ཨ་རིའི་བོད་ཀྱི་ཐེབས་རྩ་ཁང་ཡིན་པ་རེད།
