ཨ་རི་ནས་རིགས་གཞུང་བརྗེ་ལེན་དུ་ཕེབས་པའི་གྲོགས་པོ་ཚོགས་ཁག་ཅིག
ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་སློབ་སྟོན་ལྷན་ཚོགས་ཀྱི་ཚོགས་མི་ཡིན་པའི་སྐུ་ཞབས་ནིལ་གྷིརིས་ལགས་ཀྱིས་(Neil Guidry)སྣེ་ཁྲིད་འོག་ཨ་རི་ནས་ཡིན་པའི་ཚོགས་པ་ཞིག་ལྷ་ཞི་བའི་ཚལ་དུ་བདུན་ཕྲག་གཅིག་གི་རིང་གནས་སྡོད་ཀྱིས་རིགས་གཞུང་བརྗེ་རེས་འདྲ་མིན་གྱི་ལས་འགུལ་ནང་མཉམ་ཞུགས་གནང་ཡོད་པ་རེད།
ཚོགས་པ་དེས་བོད་ཀྱི་ཆོས་དང་རིག་གཞུང་གཙོས་པའི་ཡུལ་སྲོལ་གོམས་གཤིས་རྒྱུས་ལོན་འདྲ་མིན་སྣ་ཚོགས་ནང་མཉམ་ཞུགས་གནང་ཡོད་པ་མ་ཟད། 
རྡ་ས་ཉེ་ཁོར་དུ་ཡོད་པའི་མཚོ་པདྨ་ཚོན་པའི་གནས་ཆེན་ཁག་དང་དགོན་སྡེ་ཁག་དང་། སློབ་གྲྭ་ཁག དེ་བཞིན་བོད་ཀྱི་སྨན་རྩིས་ཁང་གཙོས་པའི་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་སོགས་ལ་བསྐོར་བསྐྱོད་དང་། བོད་ཀྱི་སྨན་རྩིས་ཁང་གི་དབུ་འཛིན་སྨན་རམས་པ་ཡེ་ཤེས་རྡོ་རྗེ་ལགས་ཀྱིས་བོད་ཀྱི་གསོ་བ་རིག་པའི་སྐོར་ལ་གསུང་བཤད་དང་བགྲོ་གླེང་གནང་རྒྱུའི་གོ་སྐབས་ཡང་ཐོབ་ཡོད་པ་རེད།
ང་ཚོ་ཚོགས་པའི་ངོས་ནས་སྤྱིར་བོད་ཀྱི་གནས་སྟངས་དང་ཡང་སྒོས་སུ་མི་ལོ་སྟོང་ཕྲག་རིང་ལོ་རྒྱུས་ལྡན་པའི་མི་རབས་གོང་མ་རྣམས་ཀྱིས་གཅེས་སུ་འཛིན་པའི་རྩ་ཆེན་བོད་ཀྱི་ཆོས་དང་རིག་གཞུང་དེ་དག་ཁོང་རྣམས་ལ་ངོ་སྤྲོད་བྱེད་རྒྱུ་གོ་སྐབས་བྱུང་བ་དང་། ཁོང་རྣམས་པས་ཀྱང་དགའ་ཚོར་དང་རྒྱབ་སྐྱོར་ཤུགས་ཆེན་གནང་བར་ཡིད་རངས་ཀྱི་གནས་སུ་གྱུར་ཡོད།