ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་རིན་མེད་དམིགས་བསལ་དགོས་མཁོ་ཅན་རྣམས་ལ་གྱོན་གོས་བགོ་འགྲེམས་བྱས་པ།
ལོ་ལྟར་འདི་གར་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་ནས་རྡ་ས་ས་གནས་སུ་བཙན་བྱོལ་སྤྱི་ཚོགས་ནང་གནས་སྡོད་བོད་མི་དང་ཧི་མ་ལ་ཡའི་རིགས་རྒྱུད་ཀྱིོ་མི་རིགས། དེ་བཞིན་རྒྱ་གར་བ་ཡུལ་མི་བཅས་དམིགས་བསལ་དགོས་མཁོ་ཅན་རྣམས་ལ་རིན་མེད་རྒྱུན་གཏན་གྱོན་གོས་རིགས་སྦྱིན་གཏོང་བྱེད་བཞིན་པ་ལྟར།
ད་ལོ་སྟེ་༢༠༡༨ ཟླ་ ༧ ཚེས་༢༡ ཉིན་ཡང་། ལྷ་ཞི་བའི་ཚལ་དུ་གྱོན་གོས་རིགས་དང་། གདན་དང་ཉལ་ཆས་རིགས། ལྷམ། དེ་བཞིན་ལྟོ་ཕད་ཆེ་ཆུང་སྣ་ཚོགས་ཀྱི་རིགས་བཅས་ཁྱོན་གྱོན་གོས་གྲངས་ ༧༠༠༠ ཙམ་བགོ་འགྲེམ་བྱས་ཡོད་པ་རེད། གྱོན་གོས་བཞེས་པར་ཁྱོན་བསྡོམས་མི་གྲངས་༢༥༠ ལས་བརྒལ་བ་ཕེབས་ཡོད་པ་དང། 
ཁོ་ཚོར་ཕན་ཐོགས་རྒྱ་ཆེན་པོ་བྱུང་ཡོད་ཚུལ་གསུངས་ཀྱི་འདུག་ན། གྱོན་གོས་ཞལ་འདེབས་གནང་མཁན་སྦྱིན་པའི་བདག་པོ་རྣམས་ལ་ང་ཚོའི་ཚོགས་པས་ངོས་ནས་ཁོང་རྣམས་ཀྱིས་ངོ་ཚབ་ཞུས་ཏེ་ཐུགས་རྗེ་ཆེ་་ཞུས་ཡོད། སླད་མར་ཡང་ཁྱེད་རྣམ་པའི་གྱོན་གོས་ལྷག་མ་གང་ཡོད་པ་རྣམས་དོན་མེད་ཆུད་ཟོས་སུ་མ་བཏང་བར་ང་ཚོར་གནང་ན། ང་ཚོས་འབད་བརྩོན་གང་ལེགས་ཀྱི་ཐོག་ནས་དགོས་མཁོ་ཅན་རྣམས་ལ་འབུལ་རྒྱུ་ཡིན་པས་དེ་དོན་དགོངས་འཇགས་ཡོང་བའི་རེ་སྐུལ་ཞུ་རྒྱུ་དང་། ང་ཚོས་ཚོགས་པ་ངོས་ནས་བོད་པའི་སྤྱི་ཚོགས་ཙམ་དུ་མ་ཟད་རྒྱ་གར་གྱི་གྲོང་གསེབ་པ་གནས་སྟངས་སྐྱོ་པོ་ཡོད་པ་རྣམས་ལ་ཡང་ལོ་ལྟར་ (Dharashala Rotary Club)བརྒྱུད་ནས་འབུལ་བཞིན་ཡོད་པ་རེད།