ཕྱི་རྒྱལ་གྱི་སློབ་ཕྲུག་ཚོགས་པ་ཁག་དང་རིག་གཞུང་བརྗེ་ལེན་གནང་བ།
དེ་ཡང་ཕྱི་ལོ་ ༢༠༡༨ ཟླ་ ༥ ཚེས་ ༡༤ ནས་ ༡༩ བར་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་གྷིབཧྥོསི་ (Gapforce )སློབ་ཕྲུག་ཚོགས་པ་ཞིག་དང་བདུན་ཕྲག་གཅིག་གི་རིང་རིག་གཞུང་བརྗེ་ལེན་ཐེངས་གཉིས་པའི་ལས་གཞི་དེ་བྱས་ཡོད་པ་རེད།་ལས་གཞི་དེའི་ནང་གཙོ་བོ་བོད་ཀྱི་ཆོས་དང་རིག་གཞུང་།
བོད་པའི་སྤྱི་ཚོགས་ཀྱི་གནས་སྟངས་སོགས་ངོ་སྤྲོད་དང་རྒྱུས་ལོན་བྱས་ཡོད་པ་མ་ཟད་། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གི་གསུང་ཆོས་ལ་ཡང་བཅར་རྒྱུའི་གོ་སྐབས་བྱང་ཡོད་པ་རེད།
དེ་བཞིན་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་ནས་ནང་པའི་ལྟ་གྲུབ་ནས་གསུངས་པའི་ཉིན་ཞགས་ཕྲུགས་གཅིག་གི་སྒོམ་སྒྲུབ་ཀྱི་ཉམས་ལེན་གནང་ཕྱོགས་ཐད་ངོ་སྤྲོད་གསུང་བཤད་དང་།
བོད་མི་མང་སྤྱི་འཐུས་དང་ཆབ་སྲིད་ཉམས་ཞིབ་པ་སྐུ་ངོ་བློ་བཟང་ཡེ་ཤེས་ལགས་ཀྱིས་ང་ཚོའི་ཚོགས་པའི་རིག་གཞུང་བརྗེ་རེས་ཀྱི་སློབ་ཕྲུག་ཚོར་ད་ལྟའི་བཙན་བྱོལ་གྱི་གནས་སྟངས་དང་བོད་ནང་གི་འགྲོ་བ་མིའི་ཐོབ་ཐང་གི་གནད་དོན་སྐོར་ཀྱི་གསལ་བཤད་ཀྱང་གནང་ཡོད་པ་རེད།ཞོར་དུ་བོད་ཀྱི་དཔེ་མཛོད་ཁང་དང་འགྲེམ་སྟོན་ཁང་།
སྨན་རྩིས་ཁང་སོགས་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་མི་ཉུང་བ་ཞིག་ལ་སྐོར་བསྐྱོད་ཀྱིས་ངོ་སྤྲོད་དང་བདུན་ཕྲག་གཅིག་གི་རིང་ལྷ་འཛིན་གྲྭའི་སློབ་ཕྲུག་རྣམས་དང་ལྷན་དུ་ཨིན་སྐད་ཁ་བརྡ་འཛིན་གྲྭར་མཉམ་ཞུགས་བྱས་ཡོད་པ་རེད།