བསྐུ་མཉེ་གཏོང་སྟངས་སྦྱོང་བརྡར།
བསྐུ་མཉེའི་སྦྱོར་བརྡར་འཛིན་གྲྭ་འདི་ཕྱི་ལོ་ ༢༠༠༩ ལོར་གསར་འཛུགས་བྱས་ཡོད་པ་དང་། ཐོག་མར་ཚོགས་པའི་དཔལ་འབྱོར་འདུ་འགོད་ཆེད་ལས་བྱེད་ཚོར་སྦྱོང་བརྡར་གྱིས། ཚོགས་པ་འདིའི་གནས་སྟངས་སྐྱོ་བའི་སྐབས་ཕྱི་རྒྱལ་ཡུལ་སྐོར་བ་ཚོར་བསྐུ་མཉེ་བཏང་བ་བརྒྱུད་ཚོགས་པའི་ཉིན་རེའི་འགྲོ་སོང་ལ་ཕན་ཐོགས་གང་ལེགས་བྱུང་ཡོད། དེ་རྗེས་བོད་པའི་སྤྱི་ཚོགས་ནང་ལས་མེད་དཀའ་ངལ་ཡོད་པར་བརྟེན། ཕྱི་རྒྱལ་བ་བསྐུ་མཉེའི་སྐོར་ལ་ཁྱད་ལས་པ་གདན་ཞུས་ཀྱིས་བསྐུ་མཉེའི་སྦྱོང་བརྡར་ཐེངས་ ༡༦ གོ་སྒྲིག་གིས་བོད་རིགས་ལས་མེད་དང་ལས་རིགས་འདིར་ཐུགས་འདོད་ཡོད་མཁན་མི་གྲངས་ ༡༦༩ ལ་བསྐུ་མཉེའི་སྦྱོང་བརྡར་སྤྲད་དེ། བོད་རིགས་ལས་མེད་མི་ཉུང་བ་ཞིག་གི་དཀའ་ངལ་སེལ་ཐུབ་པ་བྱུང་ཡོད། ཕྱི་ལོ་ ༢༠༠༩ ཟླ་ ༩ པར་ཨ་རི་ཁོ་ལ་ར་ཌོ་བྷོ་ཌར་མཐོ་སློབ་ཀྱི་བསྐུ་མཉེའི་སྡེ་ཚན་གྱི་ (Boulder College of Massage Therapy) བསྐུ་མཉེའི་ཁྱད་ལས་པ་དང་དགེ་རྒན་བཅུས་བོད་རིགས་ཐུགས་འདོད་ཡོད་མཁན་མི་གྲངས་ ༣༠ ལ་སྦྱོང་བརྡར་སྤྲད་ཡོད་པ་དང་།
སྦྱོང་བརྡར་སྤྲོད་སའི་ཉལ་ཁྲི་དང་རྐུབ་སྟེགས་ཚང་མ་ཨ་རི་ནས་ནང་འདྲེན་བྱས་པ་ཤ་སྟག་རེད། ད་ཆ་ང་ཚོས་བསྐུ་མཉེའི་སྦྱོང་བརྡར་སྤྲད་པའི་སློབ་ཕྲུག་མང་པོ་ཕྱིའི་རྒྱལ་ཁབ་གང་སར་ལས་རིགས་འདིའི་ཐོག་ལས་ཀ་བྱེད་བཞིན་པ་ལྟར། ཁོ་ཚོའི་ལས་ཀའི་གོ་སྐབས་དང་འཚོ་གནས་ཡར་རྒྱས་གཏོང་བར་ཕན་ཐོགས་ཧ་ཅང་ཆེན་པོ་བྱུང་ཡོད།