ཨ་རིའི་མངའ་སྡེ་ལུ་སི་ཡ་ན་ལཱོ་ཡོ་ལ་གཙུག་ལག་སློབ་གྲྭའི་འཚམས་འཕྲིན།
༄༅།། བརྩེ་བའི་ངག་དབང་ལགས། ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནང་ཁང་གིས་བོད་པའི་སྤྱི་ཚོགས་ཀྱི་ཆེད་དུ་ལོ་ཉི་ཤུའི་རིང་ཤེས་ཡོན་དང་སྤྱི་ཚོགས་ཞབས་ཞུའི་ལས་དོན་བསྒྲུབས་པར་ལཱོ་ཡོ་ལ་གཙུག་ལག་སློབ་གྲྭའི་རྒྱ་གར་གྱི་དཔྱིད་དུས་སློབ་གཉེར་ལས་འཆར་སྡེ་ཚན་གྱིས་བཀྲ་ཤིས་བདེ་ལེགས་ཞུ་རྒྱུ་ཡིན། ལྷས་བོད་རིགས་མི་མང་གི་བདེ་དོན་གོང་འཕེལ། སྐད་ཡིག་དང་རིག་གཞུང་སོགས་སྲུང་སྐྱོབ་ལ་ཞབས་འདེགས་བླ་ལྷག་ཞུས་པར་ངོས་འཛིན་ཞུ་གི་ཡོད། ང་ཚོར་ཁྱེད་ཀྱི་མིག་དཔེར་འོས་པའི་ལས་ཀ་ཡིས་སེམས་འགུལ་ཆེན་པོ་ཐེབས་བྱུང་། ཁྱེད་ཀྱི་ལས་དོན་ནི་བྱམས་བརྩེ་དང་ཤེས་རབ་ལྡན་པའི་གཞན་ཕན་གྱི་ལས་ཀའི་དཔེ་མཚོན་ཞིག་རེད། དེར་བརྟེན་ཐུན་མིན་གྱི་སྒྲིག་འཛུགས་འདི་ལྟ་བུ་ཞིག་དང་ལྷན་དུ་ལོ་མང་རིང་མཉམ་ལས་དམིགས་བསལ་བྱེད་རྒྱུ་བྱུང་བ་ནི་དགའ་གུས་བྱ་འོས་པ་ཞིག་ལོས་ཡིན།
ཐོག་མར་རྒྱ་གར་དུ་དཔྱིད་ཀའི་ལས་འཆར་སྐོར་བཀའ་བསྡུར་བྱས་པ་ནས་བཟུང་འདས་པའི་ལོ་ཉི་ཤུའི་ནང་ལྷ་དང་མཐུན་གྲོགས་མཉམ་ལས་ཀྱིས་ང་ཚོར་རླབས་ཆེའི་ཕན་ཐོགས་བྱུང་བས་མ་ཚད། ང་ཚོའི་སློབ་མ་དང་དགེ་རྒན་སོགས་ལ་འགྱུར་ལྡོག་ཆེ་བའི་ཤུགས་རྐྱེན་ཐེབས་ཡོད། ཁོང་ཚོ་ལྷ་དང་འབྲེལ་བ་བྱུང་བའི་འབྲས་བུར་ང་ཚོའི་སློབ་མ་མང་པོ་ཞིག་ལ་ཁོང་ཚོའི་ལས་ཀ་རྒྱལ་སྤྱིའི་རང་བཞིན་གྱི་ཐོག་ནས་གཞན་ལ་རོགས་བྱ་རྒྱུའི་མཚོན་པའི་སྤོབས་པ་རྙེད་འདུག་པ་དང་། ཁ་གཅིག་གིས་འདི་ནས་ལྷའི་ལས་ཀའི་ཆེད་དྭང་བླངས་བྱེད་མུས་རེད། དེར་མ་ཟད་ལྷ་དང་འཕྲད་པའི་ཉམས་མྱོང་གིས་ང་ཚོའི་སློབ་མ་རྣམས་དྲན་ཤེས་ལྡན་པ་དང་། གཞན་ལ་སེམས་ཁུར་ཡོད་མཁན་དུ་འཚར་ལོངས་བྱེད་བཞིན་འདུག་པ་བཅས་ལ་ང་ཚོས་སེམས་ཀྱི་གཏིང་ནས་ཐུགས་རྗེ་ཆེ་ཞུ་རྒྱུ་ཡིན། ལྷའི་མ་འོངས་པའི་བྱ་གཞག་ཁག་ལེགས་གྲུབ་ཡོང་བའི་སྨོན་འདུན་དང་། ང་ཚོའི་ཐུན་མོང་གི་དམིགས་ཡུལ་དུ་གྱུར་པའི་ཤེས་རབ་དང་སྙིང་རྗེའི་ཕྱོགས་ནས་མུ་མཐུད་མཉམ་སྦྲེལ་ཡོང་བའི་རེ་བའང་ཡོད།
འབུམ་རམས་པ་མཱར་ཁུ་ཀོན་དྷར་དང་སློབ་དཔོན་ཇོན་ཁི་ལིག་གཉིས་ནས་ཕྱི་ལོ་ ༢༠༡༧ ཟླ་ ༩ ཚེས་ ༢༢ ཉིན།