ཚོགས་པའི་དྲུང་ཆེ་རྡོ་རྗེ་སྐྱིད་དང་འབྲེལ་གཏུག་དུས་དེབ་ཀྱི་རྩོམ་སྒྲིག་པ་བསྟན་འཛིན་བསམ་གཏན་གཉིས་ཐའེ་ཝན་དུ་རྒྱལ་སྤྱིའི་གཞུང་འབྲེལ་མ་ཡིན་པའི་ཚོགས་འདུར་སྐྱོད་པ།
ཚོགས་པའི་དྲུང་ཆེ་རྡོ་རྗེ་སྐྱིད་དང་འབྲེལ་གཏུག་དུས་དེབ་ཀྱི་རྩོམ་སྒྲིག་པ་བསྟན་འཛིན་བསམ་གཏན་གཉིས་ཉིན་བཞིའི་རིང་ཐེའི་ཝན་དུ་འཚོགས་བཞིན་པའི་རྒྱལ་སྤྱིའི་གཞུང་འབྲེལ་མ་ཡིན་པའི་ཚོགས་འདུ་ “workshop entitled Sharing Civic Experience: NGO and Global Citizenship Education.” ལ་མཉམ་ཞུགས་གནང་སྟེ་བོད་དོན་དང་ལྷ་ཚོགས་པའི་སྐོར་ངོ་སྤྲོད་གཏམ་བཤད་སོགས་གནང་ཡོད་པ་རེད།
ཚོགས་འདུ་དེ་ནི་ཕྱི་ཟླ་ ༠༨ ཚེས་ ༢༢ ནས་ ༢༥ བར་ཐ་ཝན་དུ་ཡོད་པའི་ ” Global Education Centre at the National Chiao Tung University in Taiwan, New Zealand Centre for Global Studies and Paulo Freire Institute.” ཡིས་གོ་སྒྲིག་བྱས་ཤིང་། སོ་སོའི་ལུང་པ་སོགས་ཀྱི་ནུས་སྟོབས་གོང་སྤེལ་བྱེད་ཐུབ་པའི་རང་ཉིད་ཀྱི་ལས་ཀ་ངོ་སྤྲོད་བྱེད་པར་ཡུལ་ལུང་བཅུ་ཙམ་ནས་འཛུལ་ཞུགས་པ་བཅུ་གཅིག་ལ་ཉིན་བཞི་ཟབ་སྦྱོང་དེར་ཡོང་བར་བསྐུལ་མ་བྱས་ཡོད་འད
རྡོ་རྗེ་སྐྱིད་ཀྱིས་བོད་ཀྱི་ལོ་རྒྱུས་མདོར་བསྡུས་དང་། ད་ལྟའི་བོད་ཕྱི་ནང་གཉིས་ཀྱི་གནས་སྟངས། ལྷའི་ལས་འཆར་སོགས་ཀྱི་སྐོར་གཏམ་བཤད་གནང་བ་རེད། རྡོ་རྗེ་སྐྱིད་ཀྱིས་“བོད་པའི་སྐོར་ལ་རྒྱུས་མངའ་གང་ཡང་མེད་ཀྱང་མང་ཙམ་ཤེས་རྒྱུར་སྤྲོ་སྣང་ལྡན་པའི་ཉན་མཁན་ཚོར་བོད་ཀྱི་ལོ་རྒྱུས་འཆད་རྒྱུ་ནི་ཁྱད་འཕགས་དོ་ཟླ་བྲ་ལ་བའི་ཉམས་མྱོང་ཞིག་རེད་” ཅེས་ཟེར།
གནམ་གཤིས་འགྱུར་ལྡོག་ལ་བལྟོས་པའི་འོས་འགན་དང་། དང་བླངས་པ་གོ་སྒྲིག་བྱེད་སྟངས། གཞུང་འབྲེལ་མ་ཡིན་པའི་ཚོགས་པའི་ལས་འགན། སྤྱི་ཚོགས་ཀྱི་ལས་འགུལ། གོ་ལའི་མི་སེར་གྱི་ཐོབ་ཐང་དང་ཤེས་ཡོན་སོགས་དང་འབྲེལ་བའི་བརྗོད་གཞིའི་ཐོག་གསུང་བཤད་གནང་མཁན་གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་མ་ཡིན་པ་གཙོ་བོ་གསུམ་འདུག
གསུང་བཤད་གནང་མཁན་དེ་དག་ནི་མཉམ་སྦྲེལ་རྒྱལ་ཚོགས་ཀྱི་རིག་གཞུང་དང་། སློབ་གསོ། ཚན་རིག་སོགས་ཀྱི་སྒྲིག་འཛུག་ཡཱུ་ནི་སི་ཁོ་ (UNESCO) ཡི་གོ་ལ་ཡོངས་ཀྱི་སློབ་གཉེར་དང་། གོ་ལའི་ཆབ་འབངས་ཀྱི་སློབ་གསོ་སོགས་ཀྱི་གཙོ་འཛིན་དང་། ཁཱ་ལི་ཧྥོར་ནི་ཡའི་གཙུག་ལ་སློབ་གྲྭའི་སློབ་དཔོན་ཁཱར་ལོ་སི་ཋོར་སི་ (Carlos Torres) མཆོག་དང་། (Organisation development officer of AFS intercultural Programmes in the United States) ནས་ལཱ་ཁ་སི་ཝེལ་ཋྲར་ (Lucas Welter) ལགས། New Zealand’s Centre for Global Studies. ཡི་ཚོགས་གཙོ་ཨཱ་དྷི་རན་མེ་སིའི་ (Adrian Macey) ལགས་རེད། “The Global Citizenship Education Centre at National Chiao Tung University (NCTU-GCEC)” ནི་ཐེ་ཝན་ནང་གི་གོ་ལ་ཁྱོན་ཡོངས་ཀྱི་ཆབ་འབངས་ཀྱི་སློག་གསོའི་ཞིབ་འཇུག་ལ་དམིགས་པའི་བསྟི་གནས་ཁང་ཆེས་ཐོག་མ་དེ་ཡིན་པ་དང་། བསྟི་གནས་ཁང་དེའི་དམིགས་ཡུལ་ནི་ཐའེ་ཝན་དུ་གོ་ལའི་ཆབ་འབངས་ཀྱི་སློབ་གསོའི་ཐབས་ལམ་དང་། ཞིབ་འཇུག་གོང་འཕེལ་གཏོང་རྒྱུ་དང་། ཤར་ཨེ་ཤི་ཡའི་མངའ་ཁུལ་དུ་ཚོགས་སྡེ་ཁག་གིས་གོ་ལའི་ཆབ་འབངས་ཀྱི་སློབ་གསོ་ལག་སྟར་དང་། ཞིབ་འཇུག་ཆེད་དུ་ཉམས་མྱོང་བརྗེ་རེས་བྱེད་སའི་སྡིངས་ཆ་སྐྲུན་རྒྱུ་སོགས་ཡིན་འདུག
བསྟན་འཛིན་བསམ་བསྟན་ལགས་ཀྱིས། “རྒྱ་གར་དུ་སྡོད་པའི་བོད་པ་སྐྱབས་བཅོལ་བ་ཞིག་ལ་མཚོན་ན། ང་ཚོའི་དུས་ཚོད་མང་ཆེ་བ་སོ་སོ་རང་ཉིད་ཀྱི་དཀའ་ངལ་ལ་བློ་སྒྲིམ་གྱི་ཡོད་ཀྱང་། ཟབ་སྦྱོང་གི་གོ་སྐབས་འདི་བརྒྱུད་ནས་ཁྱིམ་མཚེས་ཀྱི་ལུང་པ་ཁག་གི་གཞུང་འབྲེལ་མ་ཡིན་པའི་ཚོགས་པ་ཁག་གི་སྐུ་ཚབ་རྣམས་པའི་གཏམ་བཤད་ལ་ཉན་རྒྱུ་བྱུང་ཞིང་། ཁོང་ཚོས་སྤྱི་ཚོ་ཞབས་ཞུ་ཆེས་ཆེར་སྒྲུབ་བཞིན་པ་དང་། ཁོང་ཚོའི་ལུང་པའི་ནང་དུ་དཀའ་ལས་གང་འདྲ་འཕྲད་པ་སོགས་ཤེས་རྟོགས་བྱུང་། སྤྱིར་དེང་སང་གང་ས་གང་དུ་དཀའ་ངལ་ཧ་ཅང་མང་པོ་ཡོད་ཀྱང་། གོ་ལའི་ཁྱོན་གྱི་ཆབ་འབངས་ཀྱི་སློབ་གསོ་ནི་ང་ཚོ་ཚང་མས་དེ་རིང་གི་དཀའ་ངལ་སེལ་སླད་འཛམ་གླིང་འདིའི་སྤྱི་དམངས་བཞིན་མཉམ་ལས་བྱེད་དགོས་པའི་ཆེད་དུ། དུས་དང་མཚུངས་པའི་བསྐུལ་མ་ཞིག་རེད།” ཅེས་ཟེར།
ཐེངས། {hits}163{/hits} བཀླགས་འདུག