ཐོག་མ་དེར་ངས་བསམས་པར། ལྷ་སྤྱི་ཚོགས་ཞབས་ཞུ་ཚོགས་པས་ང་ལ་སྐད་ཡིག་སློབ་སྦྱོང་དང་གློག་ཀླད་སྦྱོར་བརྡར་གྱི་གོ་སྐབས་ཧ་ལས་པ་སྤྲད་བྱུང་། འདི་ནི་ལྷ་ལྟ་བུའི་ཚོགས་སྡེ་ཞིག་གི་ནང་ངས་ཉམས་མྱོང་བསགས་པ་ཐེངས་དང་པོ་ཡིན་ལ་ཧ་ཅང་དགའ་པོ་ཡང་བྱུང་སོང་། དེར་བརྟེན་ང་ཚོ་སོ་སོའི་རྒྱལ་ཁབ་དེ་ཚུར་མ་རག་བར་དུ་ལྷ་སྤྱི་ཚོགས་ཞབས་ཞུ་ཚོགས་པས་ལས་རིམ་འདི་འདྲ་མུ་མཐུད་ནས་གཉེར་རྒྱུར་ངས་རེ་བ་དང་སྨོན་འདུན་ཞུ་བཞིན་ཡོད།
ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་ནི་གཟེངས་རྟགས་ཐོབ་པའི་གཞུང་འབྲེལ་མ་ཡིན་པའི་ཁེ་མེད་སྤྱི་ཚོགས་ཞབས་ཞུ་ཚོགས་པ་ཞིག་ཡིན་ཞིང་། རྒྱ་གར་གཞུང་ལ་ཡིད་ཆེས་དགེ་རྩའི་མིང་ཐོག་ཁྲིམས་མཐུན་དེབ་སྐྱེལ་བྱས་ཡོད་པ་དང་། དེ་བཞིན་མངའ་སྡེའི་དཔྱ་ཁྲལ་ལས་ཁུངས་ནས་ཁེ་མེད་ཚོགས་པར་ངོས་ལེན་གྱིས་འབྲེལ་ཡོད་ཡིག་ཆ་བཀའ་ཁྲོལ་ཐོབ་ཡོད། ཚོགས་པའི་གཞི་རྩའི་དམིགས་ཡུལ་ནི་གཞན་ཕན་ཆེད་མིང་དོན་མཚུངས་པའི་ཤེས་ཡོན་དང་སྤྱི་ཚོགས་ཞབས་ཞུའི་ལས་དོན་སྣ་མང་བྱ་རྒྱུ་དེ་ཡིན་པ་རེད།