ཕྱི་ལོ་ ༢༠༡༦ ལོའི་ལྷའི་ལོ་འཁོར་ལས་བསྡོམས་སྙན་ཐོ་མདོར་བསྡུས།

༄༅།། ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་ཕྱི་ལོ་ ༢༠༡༦ ལོར་སྤྱི་ཚོགས་ནང་ཆེས་དགོས་མཁོ་ཆེ་བའི་ལས་འཆར་དང་ལས་གཞི་རྣམ་གྲངས་ ༣༦ ཙམ་ལག་བསྟར་བྱས་པ་བརྒྱུད་ཉུང་མཐཪ་མི་གྲངས་ ༣༠,༧༧༠ ཙམ་ལ་ཕན་ཐོགས་བྱུང་ཡོད་པའི་ཚོད་དཔག་བྱེད་བཞིན་ཡོད།

རྒྱས་པར་གཟིགས་་

ལྷའི་ཕྱི་ལོ་ ༢༠༡༥ དང་ ༢༠༡༦ ལོའི་འཐུང་ཆུ་གཙང་བཟོའི་ལས་འཆར་གྱི་གྲུབ་འབྲས།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་ཕྱི་ལོ་ ༢༠༡༥ ནས་ ༢༠༡༦ བར་རྒྱ་གར་བྱང་ཕྱོགས་ཧི་མ་ཅལ་མངའ་སྡེ་དང་ཨུཏྲ་མངའ་སྡེ་གཉིས་ནང་ཁྱོན་ཆུ་ཚགས་འཕྲུལ་ཆས་གྲངས་ ༨ རིན་མེད་གསར་འཛུགས་བྱས་ཡོད།
ཆུ་ཚགས་འཕྲུལ་ཆས་གསར་འཛུགས་བྱེད་ཡུལ་གཙོ་བོ་ཁག་སྟེ་སློབ་གྲྭ་ཁག་གི་དགེ་རྒན་དང་སློབ་ཕྲུག་སོགས་ལ་འཐུང་ཆུ་གཙང་བཟོའི་ལས་གཞི་དེས་ཕན་ཐོགས་ཇི་ལྟར་ཆགས་ཀྱི་ཡོད་མེད་དྲི་རྩད་དང་དངོས་མྱོང་ལ་ཉམས་ཞིབ་ཀྱིས་འཐུང་ཆུ་གཙང་བཟོའི་ལས་འཆར་གྱི་ཕན་ནུས་ཇི་ལྟར་ཆགས་ཀྱི་ཡོད་མེད་སྐོར་ཞིབ་འཇུག་ཐེངས་གསུམ་ལ་བྱས་ཡོད་པ་རེད། ཞིབ་འཇུག་སྙན་ཐོ་འདི། ཕྱི་ལོ་ ༢༠༡༦ ཟླ་ ༣ པ་དང་ ༤ པའི་ནང་ཞིབ་འཇུག་གིས། ལྷས་གསར་འཛུགས་བྱས་པའི་ཆུ་ཚགས་འཕྲུལ་ཆས་དེ་དག་གི་འཐུང་ཆུ་གཙང་མ་ལོངས་སུ་སྤྱོད་མཁན་རྣམས་ལ་དྲི་བ་དྲི་ལས་ཀྱི་སྙན་ཐོ་འགེངས་ཤོག་བཟོས་ཤིང་། ལན་འདེབས་ཆ་ཤས་ལེན་གནང་མཁན་ཁྱོན་མི་གྲངས་ ༤༧༦ བྱུང་ཡོད་པའི་ནང་བོད་མིས་བརྒྱ་ཆ་ ༧༨ དང་། རྒྱ་གར་བས་བརྒྱ་ཆ་ ༢༠ ཟིན་ཡོད་ཅིང་དེ་མིན་བལ་པོ་དང་མི་རིགས་གཞན་པ་ཆགས་ཡོད། ཧི་མ་ཅལ་མངའ་སྡེ་དང་ཨུཏྲ་མངའ་སྡེ། གཞན་ཡང་ཉེ་འཁོར་གྱི་མངའ་སྡེ་ཁག་བཅས་ནས་ཞིབ་འཇུག་བྱེད་ཡུལ་སྡེ་ཚན་ཁག་བཞི་ལ་བགོས་ཤིང་། དེའི་ནང་འཛིན་རིམ་བཞི་པ་མན་གྱི་སློབ་ཕྲུག་དང་། དེའི་ཡན་གྱི་སློབ་ཕྲུག དགེ་རྒན། སྤྱི་བཏང་གི་མི་དར་མ་བཅས་ལ་ཞིབ་འཇུག་བྱས་པ་ཡིན།

རྒྱས་པར་གཟིགས་་

ལས་བྱེད་གསར་བསྡུའི་གསལ་བསྒྲགས།

དྷ་སར་རྟེན་གཞི་བྱས་པའི་ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གི་བོད་ཀྱི་སྐད་ཡིག་དང་རིག་གནས་དར་སྤེལ་གྱི་ལས་གཞི་འོག་ཡིག་སྒྱུར་དང་སྒྲ་ཕབ་སོགས་བོད་ཡིག་ཐོག་ཁྱད་ལས་ལས་བྱེད་ཅིག་དགོས་མཁོ་ཡོད་ཅིང་། གཤམ་གསལ་ཆ་རྐྱེན་ཚང་རིགས་རྣམས་ཕྱི་ལོ་ ༢༠༡༦ ཟླ་ ༨ ཚེས་ ༢༠ བར་སྙན་ཞུ་འབུལ་འབྱོར་ཐུབ་པ་དགོས། །
ཆ་རྐྱེན་ཁག
༡༽   བོད་ཀྱི་རིག་གནས་ཐོག་ཚད་ལྡན་གྱི་མཐོ་སློབ་ནས་ཐོན་པ་དང་ཡང་ན་དེ་དང་མཉམ་པའི་ཤེས་ཚད་ཡོད་པ།
༢༽   ཨིན་ཡིག་ནས་བོད་ཡིག་ཐོག་ཡིག་སྒྱུར་བྱེད་ཐུབ་པའི་ཤེས་ཚད་ཡོད་པ།
༣༽   གློག་ཀླད་ཀྱི་ཤེས་ཚད་གང་ལེགས་ཡོད་པ།
༤༽   དྭང་བླངས་དཔྱ་ཁྲལ་ལག་དེབ་ཡོད་པ་གང་ཞིག་དཔྱ་དངུལ་དུས་ཐོག་ཕུལ་ཡོད་པའི་ངོ་བཤུས།
༥༽   གནས་ཡུལ་རྒྱལ་ཁབ་ནང་གནས་སྡོད་ཆོག་པའི་སྐྱབས་བཅོལ་ལག་ཁྱེར་ཡོད་ཅིང་དུས་འགྱངས་ཟིན་པའི་ངོ་བཤུས།
༦༽   གཟུགས་ཐང་ལས་འཕེར་ཡིན་པའི་ཚད་ལྡན་གྱི་ཕྱི་ལུགས་སྨན་ཁང་ནས་སྨན་པས་ངོས་སྦྱོར།
༧༽   ལས་ཁུངས་གཞན་ལ་ལས་ཀ་བྱེད་མུས་ཡིན་ཚེ་དགག་བྱ་མེད་པའི་ངོས་སྦྱོར།
ཆ་རྐྱེན་འཕར་མ་བརྩི་རྒྱུའི་གཤམ་གསལ།

རྒྱས་པར་གཟིགས་་

བོད་ཀྱི་ལོ་གསར་གུང་སེང་གསལ་བསྒྲགས།

༄༅།། མཁྱེན་ཡངས་དང་བླངས་ལས་བྱེད་དང་བརྩེ་བའི་སློབ་ཕྲུག་གཙོས་འབྲེལ་ཡོད་ཞབས་ཞུ་གནང་ཡུལ་ཚང་མར་གསལ་བསྒྲགས་ཞུ་རྒྱུ།
བོད་རྒྱལ་ལོ་༢༡༤༣རབ་གནས་མེ་སྤྲེལ་ལོའི་ལོ་གསར་དེ་ཕྱི་ལོ་༢༠༡༦ཟླ་༢ཚེས་༩ནས་༡༡བར་ཡིན་པས། ལྷན་རྒྱས་བོད་ཀྱི་ལོ་གསར་ལ་འཚམས་འདྲིའི་བཀྲིས་བདེ་ལེགས་ཞུ་རྒྱུ་དང་འབྲེལ་ལོ་གསར་དགའ་སྐྱིད་དཔལ་ལ་རོལ་ཞིང་ལོ་གསར་པའི་ནང་སྐུ་གཟུགས་གསལ་ཐང་ངང་བྱ་གཞག་ཐམས་ཅད་ལེགས་འགྲུབ་ཡོང་བའི་སྨོན་ལམ་གྲངས་མེད་ཞུ་རྒྱུ་ཡིན།

རྒྱས་པར་གཟིགས་་

ལྷའི་ཕྱི་ལོ་ ༢༠༡༥ ལོའི་ལོ་འཁོར་ལས་བསྡོམས་སྙན་ཐོ།

ལྷ་སྤྱི་ཚོགས་ཞབས་ཞུ་དང་ཤེས་ཡོན་ལྟེ་གནས་ཁང་གིས་དགའ་སྤོབས་དང་བཅས་ཕྱི་ལོ་ ༢༠༡༥ ལོའི་ལོ་འཁོར་ལས་བསྡོམས་སྙན་ཐོ་གནད་བསྡུས་ཡོངས་ཁྱབ་གསལ་བསྒྲགས་ཞུ་རྒྱུ་དང་འབྲེལ། ཕྱི་ལོ་༢༠༡༥ལོར་གལ་ཆེའི་ལས་རིམ་དང་ལས་འཆར་གྱི་རྣམ་གྲངས་ཁག་ ༤༨ ཙམ་ལག་བསྟར་བྱས་པ་བརྒྱུད་ཉུང་མཐར་ཁྱོན་མི་གྲངས་ ༣༢༠༠༠ ཙམ་ལ་ཕན་ཐོགས་དང་ཞབས་ཞུ་བསྒྲུབས་ཐུབ་པ་བྱུང་ཡོད་པ་རེད།

རྒྱས་པར་གཟིགས་་